jueves, 25 de junio de 2009

As galletas de améndoa da avoa Carme

Cando imos ver ós avós Mouchos sempre hai galletas de améndoa para picar. Hai un tempo e despois dunhas análises decidín cambiar as galletas industriais por galletas caseiras: cómense menos e son máis sanas.

Galletas de améndoa da avoa Carme 1

Así que levamos unha boa temporada facendo estas galletas de améndoa todas as semanas, a Z. xa sabe os ingredientes que hai que botar, e cada semana axúdame a facer as boliñas, aplastalas e decoralas cunha améndoa antes de metelas ó forno.

As galletas de améndoa da avoa Carme 3

Para que as poidades facer e saborear vós tamén aquí vai a receita:

Galletas de améndoa da Avoa Carme

200g. de améndoa moída
250g. de fariña
150g. de manteiga
200g. de azucre
2 claras
2 culleres de cacao (optativo)

Abrandar a manteiga e mesturar coa fariña.
Engadir o resto dos ingredientes deixando as claras para o final e amasar todo coas mans.

A versión orixinal leva cacao e son en forma de boliña, a nosa versión non o leva e as boliñás que facemos coas mans aplastámolas unha vez postas na bandexa e decorámola cunha améndoa crúa enteira.

Saen case 3 ducias.

Cocer no forno a 190º durante uns 15 minutos.

(Nota: canto máis grandes sexan os ovos, as claras, máis brandas quedarán as galletas, se vos gustan duriñas usade un par de ovos tamaño medio)

E a gozalas!

As galletas de améndoa da avoa Carme 2

2 comentarios:

  1. que boa pinta teñen, probaremos a facelas.
    biquiños

    ResponderEliminar
  2. Mmmm... qué pinta!!! Tomo nota... Una duda: manteiga es manteca o mantequilla??

    ResponderEliminar

Conta, conta...

Por se queres compartir