lunes, 27 de abril de 2009

Proxecto semanal: casiña

Voltamos á carga co proxecto semanal de Meninheira, aínda que non sei se cada semana o poderemos publicar ímolo intentar de novo.

Tralo fallo da proposta de construcións de casiñas cos bloques das construcións, e con recipientes variados, optamos por utilizar casiñas xa feitas e enredar con elas, e deron moito xogo, a verdade:

a casiña do xardín

a casiña

a casiña

No xardín e gozando os días de sol desta semana atrás a Z. adicouse a correr dende o alto e entrar por unha das portas da casiña para saír pola outra, todo un éxito de risas... ata que comezou a ver que ás arañas e demáis bichos de xardín tamén lles gustaba a súa casiña, e rematou o xogo... fora da casa, porque seguimos dentro, con esta casiña e despois coa outra...

a familia

A verdade é que a nosa familia na súa casa está a ser todo un descubrimento, non so para a Z. senón para os papás, porque sérvenos de ferramenta para coñecer as inquedanzas da Z. e a súa opinión en temas que se cadra non manifesta máis que aquí. Xa non é a primeira vez que o filliño ou a filliña van ver a televisión pero non poden porque xa viron "unha", a súa permitida diaria, así que estámonos prantexando cambiar a norma dalgunha maneira que lle produza menos "obsesión" se é posible, ou será simplemente unha rutina? O caso é que a nosa familia estreou cociña e comedor novos e a Z. sentou arredor a todos os membros que puido (resulta que son 6 humanos, pero so veñen 4 cadeiras), pero non houbo problema, porque a filliña decidiu ir ó salón (porque ela non quería sentar) e quería ver unha película, pero a súa mamá non a deixaba porque xa vira unha.
Por certo, que maleducadas somos, que non vos presentamos á nosa familia, perfetamente colocada pola Z, aquí tendes a:

a familia
De esquerda a dereita: O filliño, A filliña, A filla, A mamá, o Papá e a Avoa :DDDD (non atopades certas correspondencias?)
Por suposto sen esquecernos de gatiño, coelliño e can.

As personaxes cambian cada día, pero non puiden evitar sorrir cando as nomeaba o outro día tras colocalas.

Hoxe, xogando coa avoa Olga, cada unha no seu papel, a avoa (que non podía ser a que ten o pelo gris, así que a puxo de melena loira :D) díxolle que apurase, que se había que vestir para ir ó cole, e dende a cociña o resto escoitabamos como a Z. respostaba que a nena non quería ir: E por que non quere ir? -Porque non quere -E por que? - Por que non... porque está cansa e ten que descansar.
Despois fíxolle saber que ó cole se vai en autobús e que non ían máis que os nenos, pois os papás e as mamás e os avós e as avoas quedan na casa, aínda que cando apareceu o veciño decidiu que se cadra si podería ir con el no autobús.

Tamén salvaron unhas árbores da fraga de seren cortadas facendo un círculo (e a Z. debuxou un círculo no chan cos pes de cada un dos bonecos que tiña nas mans :) en troques da roda que propoñía a avoa para rodear as árbores), entre elas atopábase un carballo, como na película da Toupiña, e os señores malos que as querían cortar convertíronse en bos cando Campaíña lles botou po de fadas... ou iso pretendía a avoa, porque a Z foi pedirme a caixa da toupiña para amosarlle que a señora mala non cambia e segue a ser mala...

Dende logo o que está claro é que lle sobran películas :( malia as restriccións, pero non pensedes que o reflexa o resto do tempo, por iso creo que axuda a nosa familia particular a saber o que ten a nosa pequena na súa cabeciña.

6 comentarios:

  1. Non penses que "a película" dos pequenos ven da tele, máis ben é intrínseca XDDDDDDDDDD

    Que ben que vos apuntarades :) non te esquezas de deixarme la a ligazón para non me esquecer eu ;)

    biquiñossss

    ResponderEliminar
  2. Meni, deixeina onte pola noite a horas intempestivas, vou comprobar que non me trabuquei, que todo pode ser... :)

    ResponderEliminar
  3. que ben que de tanto xogo a familia!! xenial!! conseguiches outra "habitacion" da casa..ole!

    ResponderEliminar
  4. Sí, es un buen sistema para ver lo que piensan los niños y cómo se las apañan. También suelen utilizarlo los psicólogos, aunque con familias más reducidas...
    Me ha hecho mucha gracia lo de la distribución familiar, porque claro, salta a la vista que la mamá es la rubia de falda; al leerte (y con mi mal gallego) no lo entendí, pero claro, tú eres morena, con el pelo corto y probablemente usas más pantalones que faldas. Tu pareja, creo recordar que con "poco pelo", como el mío, así que el abuelo pasó a ser el papá y el papá la mamá. Distribución de roles a medida de la consumidora!! :)
    El otro día me acordé de ti, porque vi en una juguetería familias de este tipo, con casitas de madera. Había una "casita ecológica" de madera y con sus placas solares y su molino de viento... para partirse de la risa con los detalles!!

    ResponderEliminar
  5. Adijirja, qué gracia con la casita ecológica! Pues a lo mejor podemos incluir esos detalls en la nuestra si es que la construímos :)

    ResponderEliminar

Conta, conta...

Por se queres compartir