jueves, 14 de agosto de 2008

Imítalle a...

Dende que nacen os pequenos pasan a metade da súa vida, ou toda nalgúns casos, escoitando o que se asemellan a algún parente, ás veces con razón e outras sen ela.
Eu nunca opino nestes temas porque son unha malísima fisonomista, so atopo parecidos entre nenos de idade semellante, irmáns, con parecido evidente, e cando medran deixo de verlle a semellanza. Son un desastre.

Pero últimamente pasou algunha foto polo meu ordenador (ía escribir pola miña man, pero non, non foi pola miña man) que me fixo ver algún parecido da nosa tartarouchiña.

Semellanzas 1

Non miredes para ningún indivuduo que non sexa o dos tirantes amarelos, agora coñecido coma Tío Isma, non se vos asemella á nosa Z.? (Vale, si, rídevos, a das coletas son eu).

Semellanzas 3

Non conseguín atopar unha foto na que a Z, teña esa expresión, pero tena, e a min si que me parece que lle imita moito a seu tío de pequecho.

E estas somos nolas dúas, sei que non saímos moi favorecidas, e a xente normal rexeitaría amosar esta foto antes que outras, pero é que eu non vin semellanza ningunha da Z. comigo ata esta foto, así que me fai aquel.

Semellanzas 2

Veña, para os moi curiosos contareivos que os da primeira foto somos os curmáns por parte paterna que había daquelas xunto cos nosos avós: eu, o curmán Brais no coliño, os irmáns Borja e Sira vestidos igualiños, e o Tío Hugo o gande de pantalón de cadros e o Tío Isma o dos tirantes.

1 comentario:

  1. Ostras... sodes igualiñas... e o tratarouchiño é idéntico á tía do Moucho ;oDDD

    ResponderEliminar

Conta, conta...

Por se queres compartir